Galán, Pedro / Fernández, Gustavo
A partir dos anos 80, a herpetoloxía -ciencia que estudia os réptiles e anfibios- sofre un enorme avance en canto a estudios e coñecementos. En Galicia xorden diversas publicacións sobre o tema e, froito do esforzo destes últimos anos, descúbrense tres novas especies de réptiles e unha de anfibios.Escrita polas mans expertas de Pedro Galán e Gustavo Fernández, esta guía, xenerosamente ilustrada con debuxos e fotografías, constitúe non só unha eficaz ferramenta para unha doada e clara identificación das especies senón tamén unha completa visión da súa bioloxía, ecoloxía e comportamento. Ras, sapos, píntegas, tartarugas, lagartixas, ou víboras son algúns dos protagonistas dun libro que satisfará a calquera lector curioso. O estudiante de Ciencias Naturais, o profesional ou o afeccionado á natureza atopará aquí unha detallada descrición da forma de vida dun grupo animal -réptiles e anfibios- íntima e tradicionalmente vencellado ó folclore e á mitoloxía popular.
