Gaztetan, Rokeren aitonak nekazal mundutik hirira emigratu behar izan zuen bizitza hobe baten bila; baina, industria birmoldaketa gogorraren ondoren, bere jaioterrira itzuli da, eta udaoro, bere biloba gonbidatzen du hara oporrak pasatzera. Egonaldi luze horietan, Rokek Angela bere laguna ezagutu du. Biak jakin-min aseezin batek jota, herri lasai eta erdi hila ematen duenaren iragan iluna arakatzen hasten dira, non antzinako gertaera odoltsuen zauriak antza denez ez baitira oraindik sendatu. Ahaztutako monastegi baten hondakinak, udal artxibategi hautseztatuak edo bertako kondaira zahar baten oihartzunak areagotu egingo dute gazte protagonisten jakin-mina, herritarren arteko etsaigo ezkutua arakatzeko gogoa esnatuz.
