A novela comeza coa chegada dun funcionario á vila de Idus. Matías Malanda ten a misión de realizar unha enquisa co obxecto de reunir biografías de xente cunha vida inusual. Coma a do arquitecto que construíu con forma de tesoira o único museo existente en Idus, a do restaurador de arte que non é quen de explicar as razóns polas que un cadro está permanentemente cuberto de insectos ou a de dous irmáns que venden todo canto teñen para ir xogar a Lituania o campionato dun xogo con normas que varían en función da hora e do día. Para rematar, a biografía de Van't Hoff, personaxe real pero que semella tirado dun conto. Unai Elorriaga crea nesta novela un universo narrativo propio e fascinante que cativa ao lector pola maxia dunha prosa que consegue superar as barreiras da novela convencional.
