Blanco Torres, republicano convencido e galeguista, viu a súa vida prematuramente truncada pola violencia e a inxustiza. Nun estilo narrativo e non exento de emotividade, o coñecido xornalista Xosé Durán afonda nesta traxectoria vital de Blanco Torres, na súa personalidade e nas circunstancias humanas e históricas que lle tocou vivir e nas que tivo que desenvolver o seu traballo como xornalista e escritor. Este libro, sen dúbida, constitúe un paso máis cara á recuperación da nosa memoria colectiva.
